15.01.2003 – 15.10.2003 - Hüquqşünaslar və QHT fəalları üçün soraq kitabının və İnternet səhifəsinin hazırlanması - Açıq Cəmiyyət İnstitutu Yardım Fondunun maliyyə dəstəyi ilə həyata keçirilmişdir.

Layihənin məqsədi – İnsan Hüquqlarının müdafiəsində mövcud beynəlxalq və Milli mexanizmlərdən istifadəni asanlaşdırmaq, bu sahədə mövcud olan qeyri-professionallığı aradan qaldırmaq olmuşdur.

Kitab insan hüquq və azadlıqlarını təmin edən beynəlxalq təşkilatlar, beynəlxalq normalar, beynəlxalq nəzarət mexanizmləri, məhkəmə və kvaziməhkəmə orqanları, xüsusi mövzular və regionlar üzrə müraciətlər, proseduralar, alternativ hesabatların hazırlanması qaydaları haqqında tam məlumatları özündə əks etdirməklə yanaşı, həmçinin çoxsaylı İnternet resursları, faydalı istinadlar haqqında məlumatları, insan hüquq və azadlıqlarına dair əsas terminlərin izahlı lüğətini özündə əks etdirmişdir. Soraq kitabına həmçinin insan hüquq və azadlıqlarını təmin edən ölkə daxili mexanizmlər haqqında da məlumatlar daxil edilmişdir.
Nəşr olunmuş soraq kitabı ilk növbədə vəkillər, QHT-lər Universitetlər, siyasi partiya liderləri, resurs mərkəzləri, İnsan hüquqları üzrə Milli təsisatlar arasında yayılmışdır.