İnsan Hüquqları üzrə maarifləndirmə ictimai birliyiı Açıq Cəmiyyət İnstitutu-Yardım Fondunun dəstəyi ilə həyata keçirilən «BMT –nin müqavilə orqanlarına fərdi şikayətlərin verilmə prosedurlarına dair» pulsuz təlim kurslarına qəbul elan edir.

Kurslarda ali hüquq təhsilli olan, vəkillik fəaliyyəti ilə və ya fərdi qaydada hüquq fəaliyyəti ilə məşqul olan beynəlxalq qurumlara məlumat və şikayətlər təqdim etmək üçün insan hüquqları pozuntularının qurbanları olan şəxslərə yardımlar edən QHT-lərin hüquqşünaslırı iştirak edə bilərlər.

Kursların iştirakçıları BMT-nin müqavilə orqanlarına fərdi şikayətlərin verilmə prosedurlarını BMT nəzarət orqanlarına dövlətlərin dövri hesabatlarına alternativ hesabatların verilmə qaydaları və prosedurları ilə bağlı bilik və vərdişlərini möhkəmləndirmək, bu sahədə beynəlxalq mexanizmlərlə tanış olmaq imkanı əldə edəcəklər.
Kursları ölkənin tanınmış ekspertləri aparacaq
Kursları uğurla bitirənlərə sertifikatlar təqdim olunacaq.

Təqdim olunan sənədlər:

1. Şəxsiyyət vəsiqəsinin surəti
2. Diplomun surəti
3. Tərcümeyi-hal (CV).
4. Ərizə forması

Kurslarda iştirak etmək arzusunda olanlar 2007-ci il may ayının 15-nə qədər «İnsan Hüquqları üzrəMaarifləndirmə» ictimai Birliyiınə müraciət edə bilərlər.

Ərizə formanı yüklə