NORVEÇ KRALLIĞININ AZƏRBAYCANDAKI SƏFİRLİYİNİN VƏ AVRASİYA FONDUNUN DƏSTƏYİ İLƏ LAYİHƏ

İnsan Hüququları üzrə Maarifləndirmə İctimai Birliyi “Beynəlxalg standartlara uyğun olaraq insan hüquqlarının vəziyyətinə dair hesabatın hazırlanması” adlı layihənin icrasına başlamışdır.

Layihə Norveç Krallığının Azərbaycandakı Səfirliyinin və Avrasiya Fondunun dəstəyi ilə həyata keçirilir.

Layihə cərcivəsində İnsan hüquqlarının müdafiəsi ilə məşqul olan QHT fəalları ücün İnsan hüquqlarının vəziyyətinə dair məlumatların toplanması və hesabatların hazırlanması mövzusunda təlim – kurslar təşkil olunacaqdır.

Təlimlər nəzəri və praktiki məşğələlərdən ibarət olmaqla tanınmış ekspertlər tərəfindən həyata keciriləcəkdir.

Ölkədə ilk dəfə olaraq azərbaycan dilində «İnsan hüquqlarının vəziyyətinə dair məlumatların toplanması və hesabatların hazırlanması» adlı vəsait hazırlanaraq nəşr olunacaqdır . Nəşrin elektron versiyası veb səhifəsində yerləşdiriləcək və kompaq disk şəkilində buraxılacaqdır.